Gwneud hawliad am anafiad personol

Mae gennych ddewis. Mae Hawliad Anafiadau Swyddogol yn gwneud y broses hawlio yn syml, yn ddiduedd ac yn ddiogel fel y gallwch hawlio am ddim heb gymorth cyfreithiol. Efallai y byddai'n well gennych ofyn i weithiwr proffesiynol hawliadau ymdrin â'r hawliad ar eich rhan megis cyfreithiwr neu gwmni rheoli hawliadau a allai godi ffi arnoch am eu cymorth.

Mae Hawliad Anafiadau Swyddogol yn broses gam wrth gam syml.

Gallwch wneud hawliad os:

ydych yn 18 oed neu'n hŷn
digwyddodd y ddamwain yng Nghymru neu Loegr
digwyddodd y ddamwain ar neu ar ôl 31 Mai 2021
oeddech yn y cerbyd
credwch nad eich bai chi oedd y ddamwain

Sut mae'r broses yn gweithio

1. Dechrau'r hawliad

Byddwn yn gofyn i chi am eich hawliad, gan gynnwys:

ble a phryd y digwyddodd y ddamwain
pa anafiadau sydd gennych o ganlyniad i'r ddamwain
pa gerbydau oedd yn y ddamwain a phwy oedd yn gyfrifol yn eich barn chi

2. Ymchwiliad

Ar ôl i chi gyflwyno eich cais, bydd Hawliad Anafiadau Swyddogol yn trosglwyddo'r wybodaeth hon i'r cwmni yswiriant a oedd yn yswirio'r gyrrwr a oedd, yn eich barn chi, yn gyfrifol. Rydym yn cyfeirio at yr un sy'n darparu'r gwasnaeth hwn fel 'digolledwr'. Bydd y digolledwr wedyn yn gwneud ei ymchwiliadau ei hun i ystyried eich hawliad.

3. Meddygol

Bydd angen i chi drefnu apwyntiad gydag arbenigwr meddygol a fydd yn asesu eich anaf neu'ch anafiadau ac yn ysgrifennu adroddiad meddygol. Bydd yr Hawliad Anafiadau Swyddogol yn eich helpu i drefnu hyn.

4. Cynnig

Unwaith y byddwch wedi penderfynu pwy oedd yn gyfrifol am y ddamwain gyda'r digolledwr ac wedi darparu tystiolaeth o'ch colledion neu anafiadau, dylech gael cynnig iawndal am eich cais, y gallwch ddewis ei dderbyn neu ei herio.

5. Dod â'r hawliad i ben

Ar ôl i chi dderbyn unrhyw gynnig, bydd y digolledwr yn cysylltu â chi i drefnu taliad. Byddwch yn gallu cadw llygad ar gynnydd eich cais ar-lein a byddwn hefyd yn rhoi gwybod i chi pan fydd unrhyw ddiweddariadau.

Yn barod i wneud hawliad? Cymerwch ein holiadur cymhwyster byr.

Make a claim

gwybodaeth bellach

Gellir dod o hyd i adnoddau i gefnogi eich hawliad yma. Mae hyn yn cynnwys Canllaw i ddechreuwyr os hoffech wybod mwy cyn gwneud eich hawliad a chyfeirio at ein Canolfan Help, sydd yn cynnig adnoddau defnyddiol i gynorthwyo gyda phob cam o’r broses hawlio.

Cwestiynau a Ofynnir yn Aml

Beth yw’r gofynion dyfais er mwyn defnyddio Hawliad Anaf Swyddogol?

Oes angen i fi dalu unrhyw beth er mwyn hawlio ac am faint alla i hawlio?

Pa wybodaeth sydd ei angen arna i i wneud hawliad?

Oes modd i fi ddefnyddio Hawliad Anaf Swyddogol ar gyfer pob damwain ffordd?

Pa help sydd ar gael i wneud hawliad a pha mor hir yw’r daith hawlio?

Rydym wedi ceisio gwneud Hawlio Anaf Swyddogol mor hawdd i’w ddefnyddio â phosib, ac mae yna lawer o ddeunyddiau ar gael i’ch helpu:

bydd sgrin ‘trosolwg hawlio’ yn eich diweddaru ynglŷn â’ch cynnydd ac yn rhoi gwybod pa gamau i’w cymryd nesaf.
mae’r ‘Gwybodaeth Allweddol’ yn y bar ar yr ochr yn egluro termau anodd ar bob pwynt o’r broses hawlio.
mae ‘Canllaw i Hawlio’ ar gael yma. Mae hyn yn egluro peth o’r derminoleg gyfreithiol sydd yn cael ei ddefnyddio. Ceir canolfan cyswllt cwsmeriaid wedi ei neilltuo ar gyfer Hawliad Anaf Swyddogol y gallwch ei alw: 0800 118 1631. Mae ar gael o Ddydd Llun i Ddydd Gwener o 9am tan 5pm. Gallwch anfon neges i’r tîm yma.

Mae gwefan swyddogol yr hawliad anaf ar gael yn y Gymraeg a’r Saesneg. Mae gwasanaethau cyfieithu ar gael i’r sawl nad sy’n medru darllen Cymraeg na Saesneg yn y 10 iaith dramor a ofynnir amdanynt fwyaf. Bydd y ganolfan cyswllt cwsmeriaid yn helpu. Os na allwch gwblhau’r broses ar-lein, rhowch alwad i 0800 118 1631.

Does dim amser wedi’i bennu ar gyfer cwblhau eich hawliad. Mae’r amser y bydd yn ei gymryd i wneud eich hawliad yn dibynnu ar ba mor gyflym caiff y bai am y ddamwain ei sefydlu neu gytuno a pha mor gyflym byddwch yn gwella o’ch anaf neu anafiadau. Dyma syniad o ba mor hir gall pob cam ei gymryd:

dechrau eich hawliad – 20 i 30 munud.
ymchwiliadau – Unwaith bod digolledwr wedi cael ei adnabod a’i gadarnhau, mae gan y digolledwr hyd at 30 diwrnod busnes (6 wythnos) i ystyried ei safbwynt ynglŷn â bai am y ddamwain, er efallai y byddant yn gwneud hyn lawer ynghynt. 
meddygol – efallai y bydd yn cymryd ychydig wythnosau i drefnu eich archwiliad meddygol a chael adroddiad. Bydd y rhan fwyaf o hawliadau’n gofyn am un adroddiad yn unig, ond efallai bydd angen mwy ar rai, fydd yn cymryd yn hirach. 
cynnig – unwaith eich bod mewn sefyllfa i ofyn am gynnig, bydd gan y digolledwr 20 diwrnod busnes (3 wythnos) i wneud cynnig cyntaf. 
cau’r hawliad – unwaith i chi gytuno setliad terfynol, dylid gwneud taliad o fewn 10 diwrnod busnes (2 wythnos).

Beth yw swyddogaeth yr Hawliad Anaf Swyddogol yn ystod y broses hawlio, a pha benderfyniadau fyddwch chi’n eu gwneud ynglŷn â hawliad?

Beth sy’n digwydd os nad yw’r digolledwr yn derbyn fy hawliad neu os na fydda i yn derbyn ei gynnig?

Pam fydd arna i angen apwyntiad gydag arbenigwr meddygol?

Os benderfyna i fynd i’r llys, beth ddylwn i wneud?

Sut ydw i’n tynnu fy hawliad yn ôl?

Getting Started

Help Hub

Professional registration

Professional resources